අප පාසලේ වෙබ් අඩවියට ඔබ සැම සාදරයෙන් පිළිගනිමු. මෙම වෙබ් පිටුවේ අරමුණ වන්නේ අපගේ පාසල් වැඩසටහන්, ප්‍රතිපත්ති සහ ක්‍රියාකාරකම් පිළිබඳ තොරතුරු රාශියකට පහසුවෙන් ප්‍රවේශ වීමට දෙමාපියන්ට, සිසුන්ට සහ අපගේ පාසල් ප්‍රජාවට ලබා දීමයි.

පො‍/සෙවනපිටිය මහා විද්‍යාලය යනු පොලොන්නරුව දිස්ත්‍රික්කයේ දිඹුලාගල කලාපයේ කෘෂිකාර්මික ආර්ථිකයකට හිමිකම් කියන ප්‍රදේශයක පිහිටි කීර්තිමත් බෞද්ධ පාසලක්  ලෙස හඳුන්වා දිය හැකි අතර මේ වන විට සිසුන් 600 කට ආසන්න පිරිසක් අධ්‍යාපනය ලබයි. ගුරුවරුන් 40 ක් සහ අනධ්‍යයන කාර්ය මණ්ඩලය 5 ක් සේවය කරන අප පාසලේ අධ්‍යන අනධ්‍යන සියලු කාර්ය මණ්ඩලය අප සිසුන්ට මග පෙන්වයි. අධ්‍යාපනය අතින් දියුණුව කරා යන දරු පිරිසක් බිහි කිරීමට සමත් අප පාසලේ කීර්තිනාමය පිළිබඳව අපට ආඩම්බර විය හැකිය. විසි එක්වන සියවසට ගැලපෙන විධිමත් හා අවිධිමත් විෂයමාලා හරහා දැනුම ලබා දෙමින් සිසුන්ගේ දැනුම, කුසලතා හා ආකල්ප ප්‍රගුණ කර ඔවුන් යහපත් පුරවැසියන් කිරීම අපගේ එකම බලාපොරොත්තුවයි.